Guwahati, April 21: Guwahati Paltan bazarni rail gari station-o sombar pringni 7 bajimango ceiling kagipa ga·akone sakgni manderang saknaako man·aha. Ticket palram mikkango manderangni senge dongmitingo adita nosto ong·gimin kosakni ceiling be·grope ga·akonbaaha aro uano kam ka·enggipa sakgni me·chikrang saknaako man·aha. Saknaako man·gipa sakgni me·chikrangko Malabika Paul aro Belchi Narzary ine mingachim. Ia nokkingni ceiling namen namjaha aro nosto ong·aha ine adita salrangna skangan uiatahachim indiba officer-rang iana gisik on·jaha ine mikrontangchi nikgipa manderang aganaha.
“Rail gari ticket palramko kulina chinga pring 7 bajimango re·baaha, unomiting adita nosto ong·gimin nokkingni ceiling rang·gitik be·gropaha aro chinga ua biaponi katna jotton ka·aha aro counterko kuliningna man·jaha indioba chinga ticket-ko somoina skangan on·atna man·aha. Ia a·sel obostani bidingo adita salrangna skangan officer rangna uiatsamsoahachim indiba uamang maming kamkoan ka·jaha” ine Malika Paul aganaha.
Ia a·selni bidingo rail garini officer-rang sandiroke kam ka·na sienga aro chong·motko ja·mano parakatgen ine uiataha.
Na·simang ia video-koba nina man·gen:
Na·simang iakoba poraina man·gen: Pope-ni sianina NE India Regional Bishops Council kalimaniko paraka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
