Guwahati, May 15: Guwahati songjinmao mi mi-bijak palprakni dam komioba gong 50 mangnide ong·ronga. Chanchininggipa NGO rang an·tangtangko on·kange aro maming man·dapanina chanchia gri mi-bijak pattiprakko tangka gong 5 na pale kangal-cholgrirangna dakchakaniko on·enga. Salanti hajira kam ka·e cha·giparang, rickshaw sale cha·giparang aro gipin kangal-cholgrirangna ian namen dakchakbeaniko ong·chongmotenga.
Ia bilsini January 28 tarikonin uamang salprako mi-bijak pal 500 mangko pale dakchakaniko on·enga. Machkhowani Kedar Road aro Fancy Bazar-o uamang sombar saloni Sonibar salona mi-bijaktangko palrongenga. Uamangni song·rongenggipa bijakrangara me·su-sambijak, dal, motor, Rajma, chole iarang ong·a.
“Hotelrangode mi-bijak palprakna tangka gong 100 ko gamna nangtelgenchim, da·o chinga gong 5 na mi bijakrangko cha·na man·enga, ian chingnade Isolni pattiani ong·chongmota” tom-tom auto gariko chalaigipa Mainul Hussain aganaha. “Chinga rakbee kam ka·genchimoba salanti 50-60 ni mi-bijakko bree cha·pana namen neng·nikani ong·a. Ian chingna namen dakchakani ong·beenga” Chattar Ali aganaha.
Biren Hazarika minggipa Delhi songjinmao mande saksani mi-bijak palprakko tangka gong 5 na pale manderangna dakchakenganiko nikaha. Hazarika ia mandeni kamko namen namnikaha aro uko Guwahati songjinmaoba dakpanama ine gisiko chanchiani nabae ia kamko a·bachengataha. Ia kamko dakanichi maming man·dapanide dongja indiba manderangna namen dakchakaniko on·chongmotgen ine chanchie ia kamko a·bachengenga.
Na·simang ia video-koba nina man·gen:
Na·simang iakoba poraina man·gen: Indian Army-ni Exercise Teesta Prahar-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
