Guwahati, Oct 8: Re·anggipa Budbar salo Guwahatini Manpara gittimni saksa mandeoniko tangka lak 5 ra·seke katgipako Assam Police man·bapilaha.
Policeni aganani gitade, Narendra Kumar Bansali minggipa mande Fancy Bazaro donggipa HDFC bankoniko tangka bikote ong·katbaengachim. Unon adita sak manderang uni tangka monako ra·seke katangaha.
Ra·seke ra·ani bidingo Narendra Kumar Bansali bakbakan Fatasil Ambari Police Station-o nalis ka·eaha. Obosta ong·ani bidingo police sandie nion, ua manderanga banko tangka bang·e okgiparangko nidinge dongengachim ine u·ina man·aha.
Tangka ra·seke katgiparangko Bijendra Gowala, Monu Ray, Biren aro Tiklu ine police dol biming mingan baksa uamang gimikan West Bengalni Jalpaiguri districtni ong·toka ine u·ina man·aha.
Ra·seke ra·giparangko u·iahaon Fatasil Ambari Police Station-ni police dol re·ange Bijendra Gowalani dongram nokko chadrapaha. Ua police dolko niksona man·e kate jokangoba ra·sekgimin tangkako uni dongramonikon man·bapilaha.
Indaken ong·engon, ra·seke ra·giparangko rim·na police ja·kol sanenga.
Iakoba poraie nina man·gen: Sikkimo balmiksal namjabea: Sak 50 bate sia, sak 142ko nikkujaenga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
