Boko, Dec 27: Boko Police Station-ni ning•o ga•akgipa Hahim sepangjolni Lampara songo gari a•sel ong•e sak 20 mangni gita A•chikrang saknaatako man•aha. Indake, ia sak 20 me•a aro me•chikrangoni, sak 15-ko nambata sanna bannaniko on•a gita bakan GMCH-ona ra•angaha.

Ua jolo donggipa manderangni aganani gitade, ia a•sel ong•a man•gipa manderang Chaygaon Constituency-ni ning•o ong•gipa Santipur songoni ong•achim aro uamang Hahim sepango donggipa Bakrapara songo mande sigipaona re•baachim. Indake pilak kam matchotmano, uamang songtangona bostu salgipa Tata Ace Gold gario re•angpilengachim, indake ong•engon gariko agre ta•rak dugae salangani a•sel Lampara songni soroko a•samo ga•akaha.

Hahim Police Outpost-ni in-charge Lakhi Nandon Boro, a•sel ong•gipa biapona bakan sokangaha aro saknaa man•gipa manderangko Boko Primary Hospital-ona bakan ra•angaha.

Ia a•sel ong•anio saknaa man•gipa manderangko, bol dok 108 Ambulance gario Hospital-ona salangaha.

Indake a•sel ong•ani bidingo Police dolrang am•sandianiko dakangenba gariko Hahim Police Out Post-ona ra•angaha.

Na·simang ia video-koba nina man·gen:

Na·simang iakoba poraina man·gen: Gitcham PM Manmohan Singh-ni sianina Assam a•doko sal 7-na kalnimanggen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub