Shillong, May 11: Shillong songjinmani Them Metor ba Harijan Colony-ko gipin biapona apjitna gita blueprint-ko tarichina Urban Affairs department-na pakwatmanaha ine Budbar salo, Meghalaya a•dokni Deputy Chief Minister Prestone Tynsong parakataha.

Da•o dipet ia blueprint-ko Urban Affairs department, sorkariona sokatkuja indiba blueprint-ko sorkarina sokatahaon sorkari, Harijan Panchayat Committee-ko agangrikna okamattaigen ineba Tynsong parakataha.

Deputy Chief Minister-ni aganani gitade, da•o dipet Harijan Colony-o ge 342 nokdangrang donga aro uamang pilakan sorkarini kamko ka•giparang ong•achim.