Shillong, Sep 09: Harijan Colony ba Them Iew Mawlong-ko apjitatna ru•uta somoirangonin manchiman•aha aro ua jolo songdong a•chaenggipa manderangko gipin biapona somoi gita apjitatna sorkari kamko ka•enga ine Sombar salo Deputy Chief Minister Sniawbhalang Dhar aganaha.
Kobor ra•timgiparangni ua jolo songdongenggipa dam 342 nokdangrangni gimin sing•on, sorkari aro Harijan Panchayat Committee (HPC) baksa tom•e chanchirimaha aro indaken chanchirimani somoio, uamang gipin biapona apjitna gita sal 15-ko am•dapaha aro uni ja•manoba September ja bon•aona somoiko ra•dapaha aro uamangni bi•a gitan uamangna somoiko on•ataha. Iani bidingo Chief Secretary gadango ia anti bon•achipak chanchirimtaianiko dakanggen ine Dhar aganchakaha.
Ru•uta bilsirangna Harijan Colony-ko apjitatna miksonganirang bon•chiprongengani bidingo, Meghalaya High Court 2023 bilsini July jao chanchirimtaianiko ra•baaha. Indake je biapkon apjite ma•chake dongchina sorkari on•ahachim, a•bachengode HPC dolni gita uko ra•chakjaha aro iani gimin chanchina somoiko uamang bi•aha aro June jao High Court-ni hearing-ko ong•ataiani somoio uamang adita namdapatanirangko dabian baksa ra•chakaha.
Indake, sorkari ua jolni songdongenggipa manderangko apjitate ma•chake dongchina gita, 2.14 acre-ni Municipal Board office aro 1.4 acre a•arangko man•chape gimik gimang 3.6 acre-ni a•arangko sorkari chamenba tarie on•aha.
Na·simang ia video-koba nina man·gen:
Na·simang iakoba poraina man·gen: Vietnam a•songo dolong be•gruanichi sak 13 manderang gimaenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
