Tura, June 17: Sonibar salo, mikkarang jimbee wagenchimoba, Hero Premium bike-ko jakkalenggiparang Hero Xclan Tura rally-ko name matchotataha.
Ia rally-ko, Hero Motocorp baksa Tura Motorsports Club (TMSC) nangrimenba ong•atangaha, jeon, sak 75 register ka•giparangoni sak 65 rider-rang bakko ra•angaha.
![](https://hubnetwork.in/wp-content/uploads/2024/05/1-8-1024x1024.jpg)
Ia rally-ko, motorcycle-na gisiko nanggiparangko nangrimatna miksonge, Hero Xclan banner-ni ning•o, ISBT, Chasingre-oni pringni 10:00 bajioni a•bachengate, East Garo Hills a•jani Nokrek National Park-ni ja•reko donggipa Daribokgre songona rally ka•angaha. Uamang, rama soroko re•a doanina dongimin niam aro retirangko ja•rikenba mikka wachichake salangaha aro an•tangtangni Motorcycle salna gisiko nanganiko mesokangaha.
![](https://hubnetwork.in/wp-content/uploads/2024/05/WhatsApp-Image-2024-05-06-at-1.24.51-PM-767x1024.jpeg)
Hero Xclan, ian ge•sa dol ong•a jeon, Hero Premium bike-ko jakkalenggiparang bak ra•a aro uamangni gisepo dingtangmancha namgnirangko on•gipa aro janggi tangani gadangrangko tang•doatgiparang ong•a.
Ia Tura rally-ko ong•ataniara a•song gimikni Motorcycle salna gisiko nanggiparangko nangrimatna miksonge, Hero Motocorp-ni ja•ku de•ani ong•a.
Na·simang ia video-koba nina man·gen:
Na·simang iakoba poraina man·gen: Jiribam a•jao so•sojengjeng ong•enganiko tom•tomatna CRPF sipairangko watdapata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub