Shillong, April 6: East Khasi Hillsni U Soso Tham Auditoriumo dingtang dingtang skulni chatro-chatrirang baksa butbar salo tom•anio, higher secondary skulni chatro-chatrirangna mobile tabletrangko sorkari sualna sienga ine skotong minister aganaha. Chatro-chatrirang chasongni kri digitalko u•ie ra•na nanganirangko sorkari u•iani gimin mobile tabletrangko sak hajal kolatchibonga chatro-chatrirangna suale on•angna sienga. Skul noko mangmang smart classo donge maming saloba technologyni gimin u•ie ra•ani barijawa, unigimin sorkari chatro-chatrirangna mobile tabletrangko sualgnok ine chatro-chatrirang baksa agangrikao skotong minister aganaha.
“Digitalni gimin skie ra•aniara namen nangchongmotgipa ong•enga. Unigimin iako skie ra•e namgnina jakkalpabo, jedakode uarang nang•na namgniko aro u•i-ma•sianiko on•gen” ineba skotong minister aganaha.
Ia tom•anio skotong minister aro IT & Communication ni minister Hamletson Dohling mobile tabletrangko East Khasi Hillsni dingtang dingtang skulni chatro-chatrirangna sualjolangaha.
