Guwahati, Dec 7: Arunachal Pradesh a•dokni, Roing-Tezu Trans Arunachal-ona re•enggipa Highway ramao, saknae donggipa gisim rongni dal•gipa matchapengko forest department jokataha.
Official-rangni u•iatani gitade, ia nikronggijagipa matburungni highway ramako batsotengmiting somoio ta•rake re•baenggipa gari uko salpakaha jeni a•selan uni skoo saknaatako man•aha, indake ia matburungko Lower Dibang Valley-o donggipa Roing Mini-Zoo-o sanna bannaniko on•enga ine u•ina man•aha.
“Chinga ia manggisimgipa matchapengni saknae dongenganiko kobor man•soaha aro kobor man•a bakan ua biapona re•angaha aro uko sanna banniko on•a Mini-zoo-ona ra•baaha. Unikoa, chinga uko veterinary hospital ra•ange adita sanna banniko on•mane mini-zoo-ona rimbapilaha aro uni janggina da•ode maming kenchakani dongjaha” ine Roing DFO (Wildlife), Mitu Rumi aganaha.
Black Panther ba manggisim matchapeng dal•gipa, ia a•jarango nikronggijagipa ong•a. Uni kimil chikgipa a•mang rongni ong•genchimoba, gisim rongchi nongmraka gita dakgipa kimilrang dongchapani a•sel uni bimangko gisime nika. Ia matburungko Malaya rainforest aro Mount Kenya, Java, Southwestern China, Myanmar aro Nepal-ni buringrango nikna man•a. Indake, India a•songo mongsongbate Kerala aro Assam-osan nikna man•aia.
Na·simang ia video-koba nina man·gen:
Na·simang iakoba poraina man·gen: Shillong-o skanggipa changna Spoken Festival-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
