Guwahati, April 29: Assam a·doko Congressni sason ka·miting bilsirango me·chikrangni sorkario kam man·ani bidingo kra-nangdanggijagipa kattarangko skotong minister Himanta Biswa Sharma aganahani gimin konta 48 ni gisepon manderango kema bi·na nanga ine Assam Pradesh Congress Committee ni padot Bhupen Kumar Borah mongolbar salo dabiangaha.
Sonitpur districtni Borsola minggipa biapo panchayat Election-na wenjojoe aganprakmitingo skotong minister, Assamni me·chikrangni kosako ong·gija kattarangko aganaha. Uni gimin ua konta 48 ni gisepo an·tangni agangimin kattarangna kema bi·piljaode Mahila Congress dolrang High courtni do·gako doktikechongmotgen ine ba Pa Borah aganaha.
“Uni agangimin kattarang, Assam a·doko Congressni sason ka·miting somaio kam man·giparang jekai APSC oni a·bachenge ASHArang, Anganwadirang, nurserang, doctor-rang, engineerang, skul aro bidamongni skigiparang aro gipinrang gimikkon aro uamangni nokdangantikon chonikani ong·chongmotaha” ine Borah aganaha.
“Ua manderangni gisepo uisretaniko ra·bagipa dilgipasan ong·aia. Bia an·tangba BJP-o napna skang Congressni sasono bilsi 15 na minister ong·aha. Ia indake me·chikrangko kamo rakkianio kragijaniko dakaha ong·ode biara maina donga? Biara mikgrima?” Boraha sing·doaha. Unigimin Assamo songdonggipa me·chikrang uni agangipa kattarangna jrip dongainabe indiba ku·rang on·e an·tangtangko warachakbo ineba aganaha.
Konta 48 ni gisepo Himanta kema bi·piljaode uamang High Courtona re·anggen ine aganaha.
Na·simang ia video-koba nina man·gen:
Na·simang iakoba poraina man·gen: Gitcham MDC Roynath Sangma a·gilsakko watanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
