Shillong, Feb 16: India a·songni niam bidik aro Home Affairs Ministry-ni dongimin niamrango pangchake, Hynniewtrep National Liberation Council (HNLC) bobil dol baksa agangrikna a·dok sorkari do·gako oe donengkua ine Sukrobar salo, Meghalaya a·dokni Governor Phagu Chauhan parakataha.

Sukrobar salo, Assembly Budget Session-ni skanggipa salo aganprakangengon, a·doko pangkamgipa tom·tomaniko ra·bana sorkari on·kange kam ka·enga ine Chauhan aganaha.

Batanggimin bilsio niam reti rakkianiko niatgenchimode a·doko tom·tomanikon nikna man·bataha ine janapatengon, a·doko songdongenggipa manderangni namgnina tom·tomaniko rakkina nangchongmota ine Governor aganaha.

Assam aro Meghalaya a·dokni simarango meligrikna man·jaenggipa biaprangoni damdok jolrango meligrikaniko ra·bana gita 2022 bilsio songgigrike soi ka·grikani ja·man a·dok damgnini simarangko salna gita survey ka·aniko a·bachengataha ineba Governor aganaha.

A·dok damgnini gisepo meligrikna man·jaenggipa bangki damdok biaprangoba meligrikaniko ra·bana gita re·anggipa 2023 bilsini May jao Assam aro Meghalaya a·dokni Chief Minister-rang, agangrikaniko a·bachengattaiaha ine janapatengon, ia bangki damdok biaprango tom·tomaniko ra·bana gita Meghalaya a·dokni regional committee-rang, Assam-ni regional committee-rang baksa tom·anirangko ong·atengaha ine Chauhan parakataha.

Meghalaya a·doko Police department-ko mangrakbatatna sorkari kamrangko ka·enga ine janapatskaengon, re·anggipa bilsion bangbang ong·e dongenggipa dam 1,010 kamrango sipairangko gapatna kamrangko matchotmanaha aro Meghalaya Police-ni dingtang dingtang gadangrango sak 3000-na baten sipairangko gadang gadang dake ra·anggen ine Governor parakataha.

Read: Padma Shri Kiran Seth Engages Dibrugarh community to promote Indian classical music and culture

WATCH:

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub