Shillong, Jan 7: Meghalaya a•doko bobil dake chakatenggipa Hynniewtrep National Liberation Council (HNLC) dol, tom•tomaona re•bapilna gita batanggimin bilsirangonin sorkari baksa agangrikna a•bachengatahaoba, ja•mano sorkari baksa agangrikaniko dontongatpilahani gimin HNLC bobil dolni dilgiparangko agangrikaniona re•bapilchina a•dok sorkari okamataha.
HNLC bobil dol baksa agangrikaniko talate on•angengon, a•bachengode HNLC bobil dolni dilgiparang tom•tomaona re•bapilna gita sorkari baksa agangrikaniko a•bachengatahachim indiba dolgnini gisepo agangrikanirang matchotchipna man•kujaenga ine HNLC bobil dolni dilgiparangko agangrikaniona re•bapilchina Meghalaya a•dokni Chief Secretary DP Wahlang didiataha.
HNLC bobil dol, sorkari baksa agangrikaniko ra•pile re•angpilaonin re•bapilkujaengani gimin sorkarini do•gako uamangna oe donenga ineba ua aganaha.
HNLC bobil dol baksa agangrikna dongimin niamrangni bidingo janapatengon, bobil dol baksa agangrikanio Home Affairs Ministry-ba bak ong•engani gimin ministry-ni dongimin niamrangko a•dok sorkari ja•rikna nangao ga•akenga ine Wahlang aganaha.
Batanggimin 2024 bilsi a•dokna namen tom•tomgipa a•dok ong•ahani gimin ia 2025 bilsiba a•dokna tom•tomgipa ong•e namroro silroroani kamrangko chu•sokatna man•angkugen ineba Chief Secretary, an•tangni ka•dongchakenganiko parakataha.
Na·simang ia video-koba nina man·gen:
Na·simang iakoba poraina man·gen: Manipur-ni gital Guv, Churachandpur College-ni IT Centre-ko nokdonggae on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
