Shillong, Mar 19: Meghalaya a•doko bobil dake chakatenggipa Hynniewtrep National Liberation Council (HNLC) dolko bilsi bongana champengattaina ma•mong sorkarini tik ka•ahani gimin kachario ra•bina gita tik ka•angaha.
Iani bidingo kobor ra•timgiparangna u•iatengon, HNLC dolko bilsi bongana champengattaina ma•mong sorkarini tik ka•ahani gimin re•baenggipa March-ni 22 tariko Shillong-o ong•atna sienggipa Unlawful Activities Prevention Act (UAPA) Tribunal-ni hearing-o ra•bina gita Fernando Shangpliang-ko HNLC-ni ukilna seokmanaha ine Budbar salo, HNLC bobil dolni pal ku•rang on•gipa aro Hynniewtrep National Youth Front (HNYF)-ni president Sadon K Blah parakataha.
HNLC bobil dolko niamni kosako chakatgipa dol ine 2024 bilsini November 14 tarikon Home Affairs Ministry-oni u•iataniko on•angahachim ine nikna man•a.
Maini gimin kachario ra•bina miksongenga ine sing•anina aganchakaniko on•angengon, sorkari baksa tom•tomanina agangrikna gita Shillong-o donako man•engmiting somoirangon HNLC-ni dilgiparang, champengatako man•gipa dol ine mingako ra•galchina sorkariko didiahachim indiba iani bidingo ma•mong aro a•dok sorkarirang maming aganchakaniko on•chipjaha ine Blah aganaha.
HNLC bobil dolni dilgiparang, tom•tomaniona re•bapilna gita gisik nanganiko mesokengani giminsa bobil dolni kosako champengattaianiko ra•galna gita aino pangchake kachario dakgrikna miksongenga ineba ua aganaha.
Na·simang ia video-koba nina man·gen:
Na·simang iakoba poraina man·gen: A·doko chijimgipa biaprangko ta·rake am·sandichina Meghalaya HC ge·eta
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
