Shiullong, June 28: Hynniewtrep National Liberation Council (HNLC)-ni pilak niam pe·anirangko kema watgopna dabiani gimin aganengon, chona rema niam pe·anirangkode nigrikna man·a indiba dol gimikni manderangni kosako badi ka·anirangko indin watgopanide ong·na amgijani ine a·dokni Chief Minister Conrad K Sangma aganaha.
HNLC-ni dabianirangni bidingo Ma·mong Sorkari baksa melie kam ka·enga ine CM kobor ra·timgiparangna parakaha.
“Chinga Ma·mong Sorkari baksa kam ka·enga aro baditana kingking uamangni dabianirangko chu·sokatna man·gen uko HNLC-ni manderangna pil·taitaie u·iatenga. Iako Ma·mong Sorkari aro A·dok Sorkarini gitaba u·iatenga. Ma·mong Sorkari baksa agangrikanio dingtang dingtang bewalrangko ja·rikna nanganirang bang·a, aro uarang gimiko pangchakesa chinga agangrikenga” ine CM aganaha. “Uni gimin, iani bidingo kam ka·engaoni chinga re·gelenga ong·ja, indiba janapgimin gita, kema ka·na man·gnigipa kamrangkode nigrikna man·a indiba bilongbee niam pe·anirangkode chanchina nangkuenga.”
“Uni gimin, uamangko gopgap kema watgen inede aganna man·gijani ong·a.”
Indiba CM indakeba agantaiaha: “Ma·mong Sorkari aro A·dok Sorkari dolgnian pilak obostarangkon nie agangrikgen inede aganmanaha. HNLC-ni manderangko gopgap kema watgen ine aganade Ma·mong Sorkari baksa agangrikani kosako re·a gita ong·gen, maina chanchirimanirang ong·engkua.”
Ia bilsini a·bachengo HNLC dol sorkari baksa tom·tomgrike dongaoni ong·kate uamangni ming 5 mongsonggipa dabianirangko parakataha, aro uarangoni mingsara uamangni dilgiparang aro sipairangni kosako sorkarini badi ka·giminrangko watgopchina ine ong·a.
HNLC-ni manderangko tangka dabianirang bang·roroengani bidingo aganengon, “Ong·gijagipa kamrang inon ramram dake whatsapp message watanirangko miksonga. Whatsapp message watako mai dakgipa kam ine agangen anga talatna man·ja, da·ororode whatsapp message gita watatna altubea. Indiba uarangko rim·na gita chinga cholrangko sandienga. Anga uani bidingode agandamna sikja, indiba uarangko u·ina man·roroengani gimin ia kamko chinga dontongkujawa.”
HNLC-ni sleeper cellrangni bidingo CM aganaha: “Sleeper cell inade katta dal·bejok, uan jakdangdikgija dongenggipako indiba nangani somoio jaksikgipako miksonga. Uamang bilakgipa sleeper cellrangde ong·ja indiba uamangko nangani somoio HNLC tangka on·e uamangni kamko ka·atani gimin sleeper cell inasan ong·aia.”
A·doko dos dakgiparangko rim·na cyber cellrangko namdapatroroengani bidingoba CM aganaha.
Na·simang ia video-koba nina man·gen:
Na·simang iakoba poraina man·gen: Dibrugarh-o chi sikate dongani a•sel neng•nikaniko man•engkua
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
