Shillong, Mar 20: HNLC namana miksonge golporimaona re·bapilna nanga, maina niamni a·palo ong·gipa pilak kamni bidingon sorkari jekoba dakna chu·gimik taria ine Deputy CM Prestone Tynsong, jean HOME(Police)koba jako ra·a, raken aganaha.
Tynsong-ni indake aganania March 9 tariko boma gopretaniko HNLC-ni kange ra·an baksa Sweeper Colonyni nokdang 342-ko jitatna sorkarina jasa sal on·e ka·mikkenatani ja·mano ong·aha.
Tynsong kobor ra·timgiparangna Budbar salo aganengon, HNLCni ka·mikkenatani bidingode maming aganani gri, indiba ua jolo donggipa manderangko da·oni chane bilsi 3-4na skangan jitatna sorkarini kam ka·engani gnang ine parakaha. Harijan Panchayat Committeeo adita tom·e chanchianirangni giminba Tynsong aganaha.
“Kakketko aganode, ua obostani bidingo rai on·anira Meghalaya High Courtni jakon ong·kuenga. High Courtan uani bidingo rai on·kuja, aro HPCming tom·e chanchirimtaina gita chinga ua rai on·akon senge dongenga.”
“Uni gimin, HPC baksa ru·utgijan asongrime chanchie iani bidingo matchosrange kam ka·na man·gen ine ka·dongsoenga” ine Tynsong aganangkuaha.
HNLC-ni bidingo sorkari mai ja·kuko de·enga sing·on, uamang namgnina golpogrikaona re·bapilna nanggen ine ua aganchakaha.
“Anga da·oba agankuenga, tom·tomaniona songgigrikna agangrikna okamenga. Chang ritchasa chanchipilbo, maina sorkari da·o jekoba dakna chu·gimik taria; miksonganide, niamni nalsao ong·gipa kamrangni bidingo jekoba dakna sorkari taria. HNLC aro jeba ong·ja maina, niamni a·palo ong·gipa kamrangko Meghalayo ong·na on·jawa,” ua aganaha.
HNLCni jripjrip time dongenggipa dolko meja mangmang chadrapon Shillong aro Nongpoh-o uamangni boma gopretna miksonganirangko u·ina man·aha ine police parakataha.
Uandakgiparangko jedakeba ong·atjana gita sorkarini kim·kim ong·aniko Deputy CM parakaha.
“Indakgipa obostarang ong·taijachina gita policena ge·etaniko on·manaha. Ua obostarango bak donggipa manderangko rim·engaha, aro sandianirang ong·engkua. Anga uarangni bidingode tale roke aganjawa, indiba anga a·dokni manderangna iako ku·rachaka: an·chingna maming kena nangani dongjawa, aro ua manderangko rim·toke sasti on·kuja dipet policeni manderangba tusijawa.”
Na·simang iakoba poraina man·gen: “VPP badita inch sorokko tarijok?” ine Tynsong ra·bia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
