Guwahati, Mar 15: Union Home Minister Amit Shah, Assam, Dergaon-ni namdapatatgimin Lachit Borphukan Police Academy-ko nokdonggae on·angaha. 340 acre mangni gita apalbegipa ia academy-ko, kror 1,024 tangkarangko koros ka·e chasong gitalni bewalo namdapatanirangko dakenga. Kror 167.4-chi skanggipa phase-ko rikanio police dolrangni changa sapanirang aro tarisamsoe donganirangko namdapatna gita smart classroom, chasong gitalni silchidarerangko skie on·ani ostrorang, am·sandianina jakkalgipa nokdringrang aro commando-rangna skie on·a gita nangan bosturang chu·onga gita dongaha.

Assam a·dok, bobil dolrangni a·sel neng·nikanirangko man·gipa ong·aoni, da·o technology aro bading chiwalanina mongsonggipa biap ong·baani gimin aganengon, a·doko India-ni skanggipa semiconductor unit-ko ra·baani bidingoba Shah janapataha. A·doko tom·tomaniko ra·baanina, rika cho·ani kamrangko namdapatanina aro tangka paisani gita tang·dobatatanina, Modi sorkariko de·mittele aganengon, bobil dolrangoni sak 10,000 manderang name janggi tangtokengaha ineba ua parakataha.

Batanggimin sal aro somoirango so·so jengjeng ong·anirangna Congress dolko ua matnangatengon, Assam a·dok da·ode tom·tomgipa aro namroro silrorogipa ong·skaaha ineba ua janapataha. Bang·bea tangka paisaangko koros ka·anichi bang·a kamrangko nakatatan baksana BJP-chi dilenggipa sorkari, Assam a·dokko mongsonggipa bading chiwalchakram biap ong·atna miksonganio rika cho·ani kamrangna kror 3,00,000-ko koros ka·na chanchienga.

Na·simang ia video-koba nina man·gen: 

Na·simang iakoba poraina man·gen: Tura Christian Hospital-ni gita mini marathon-ko ong·ata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub