Tura, April 22: Nokrek a·brini ja·reko donggipa Chandigre songo Honey Processing Centreko Meghalaya ni agan-chalaitimgipa (Speaker) Pa Thomas A Sangma oprake on·angaha. Iako District Commerce And Industries Centre (DCIC) Turaoni ong·atangaha.
Ia oprake on·ani tom·anio MCCLni Vice Chairman Dabo M Marak, Rongram C&RD ni BDO Cherime R Sangma, dingtang dingtang officer-rang, Bee-Keeping Co-operative Societyni dilgiparang aro Nokrek ja·rek jolni song 16 songni manderang dongpaaha.
‘A·chik a·songni bija bitchirang namen dingtangtegipa aro tobegipa ong·a. Skango anga Rajya Sabha ni MPni ong·mitingo ianoni bija bitchiko Delhiona ra·angaha. Dabur company ia an·chingni bija bitchiko namen dingtangtee tobegipa aro chi·gipa ong·a ine aganaha” ine Pa Sangma an·tangni chagrongarangko jinmana aganaha.
Bija jilgiparangko ua bang·a agan-ku·pattianirangchi agane didianiko on·angaha. Iako an·ching nambatatna aro apalbatate kam ka·na man·ode manderangni janggi tangani gadangrangko tang·doatna man·gen. Da·alo ia Co-operative Societyo sak 357 san dongaia indiba an·ching sak 1000 ona kingking bariatna. Iandakgipa societyrang uamangni miksongaona sokdogenchimode adita sorkarini dakchakanirangko na·simang man·gen” ineba Pa Thomas A Sangma aganaha.
Turani DCIC ni General Manager Felecient Ra Marak tom·ao dongpae gital bija jilani centrerangko Nokrek jolo donggipa songrangna pakwate on·gnok ine aganaha. Ia jolo donggipa me·chikrangna adita salrangna skang, sabon , candle aro gipinrangko tariani gimin skianiko on·aha ineba ua talataha.
Apicultureni functional Manager aro Nodal Officer F A Sangmani talatani gitade ma·mong sorkari tangka gong lak 15 ko Honey Processing Unitna aro nok-jam rikanina lak 15 tangkarangko chamataha.
Ia gital bija jilani Centreko kulianichi a·doko janggi tangani gadangrangko tang·doatna dakchakbeani ong·gnok aro manderangna didiani gitaba ong·gnok.
Na·simang ia video-koba nina man·gen:
Na·simang iakoba poraina man·gen: SSLC porikao name chu·sokgipa Chatro-Chatrirangko Timothy D Shira mande ra·e Resuo tom·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
