Kohima, Dec 8: Bilsianti Nagaland a·dokni Naga Heritage Village ‘Kisama’-o manirongenggipa Hornbill Festival-ko ia chang ia festival-ni bilsi 25 gapanikoba manijolenga.
Bilsiantian ia Hornbill Festival-ko Nagaland a·doko donggipa dingtang dingtang jatrangni daka rikani, chrok mesaani, git ring·ani, doka dam·ani, cha·ani ringani aro jakni kamrangko mesokna gita December jani skanggipa antio sal 10-na ong·atronga aro ia changoba ia manianiko, Nagaland Tourism, Art & Culture department, Japan a·song baksa nangrime December 1 tarikoni 10 tarikona ong·atenga.
Ia Hornbill Festival-ko 2000 bilsionin bilsiantian Kohima-oni km 12-mang chel·ao donggipa Naga Heritage Village ‘Kisama’ ong·atrongenga aro da·o ian chang 25-gipa maniani ong·engahani gimin indita bilsirangni gisepo ia maniani da·o namen dal·batrorobaaha.
Ia bilsio Hornbill Festival-ni bilsi 25 gapaniko manijolengani gimin batanggimin changrangona bate namen dal·bate aro ga·subate ia manianiko ong·atenga aro ia manianio Nagarangni sokachakani aro cha·ani ringanirangko nambate on·na jotton ka·enga.
Ia manianiona, India a·songni dingtang dingtang biaprangonisan ong·aigija a·gilsakni gipin bakrangoniba re·bae bak ra·tokenga.
Na·simang ia video-koba nina man·gen:
Na·simang iakoba poraina man·gen: 100-Days TB Elimination Campaign-ko Tura SMELC-o ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
