Kohima, Dec 9: Bilsi 67 ong•gipa United Kingdom-oni tourist ba songrebagipa saksa, Kisama, Heritage Village-o ong•atanggipa Hornbill Festival-o bak ra•miting somoio rang•san ka•tong saaniko man•e siangaha.
Police-rangni aganani gitade, December jani 7 tariko Nagaland-o ong•atenggipa jatni manianiona re•bagipa tourist saksa ka•tong sa•dikaniko sa•dikaniko aganani gimin uko manichakenggipa biapo sanna banniko on•a jaman, km 12 mangni gita chelao donggipa Kohima-ni hospital-ona rimangaha. Private hospital-o sanna bannaniko on•genchimoba ua rasongribee walni bako a•gilsakko watanganikoba police dolrang parakataha.
U•atani gitade, ia tourist saksan songrebae tour guide baksa songreengachim. A•dokni Tourism Department-ni gita uni manggisiko UK-ona watatpilna gita tarisamsoanirangko dakmanaha.
Robibar salo, ia an•saobegipa jatni manianiko ong•atani gisepon skanggipa changna, Kisama, Heritage Village-o Advent Christmas Devotional Service-rangko Nagaland Joint Christian Forum (NJCF)-ni gita ong•atangaha.
Nagaland a•dokni Skotong Minister, Neiphiu Rio, Kisama-o ong•atgipa ia Advent Christmas-ko uni nokdangni manderang baksa bak ra•na cholko man•paahanina an•tangni kusi ong•aniko parakataha.
Rev. Keyho, neng•nikanirangko chagronggenchim ong•oba ianona re•bagipa sakantikon Christmas-ni chong•mot orto-ko u•ie ra•china didiangan baksana ian Nokgipa Isolo bebe ra•ani aro mande ra•naniko mesokani cholba ong•a ine aganangaha.
Christmas ian Nokgipa Isolni an•ching baksa ong•aniko mesokanisa ong•a ine gisik ra•atpilaniko dakengon, ua sakantikon kusi ong•e rongtale ia manianiko dakan baksana tom•tomaniko ra•dona aro sakgipin mandena ka•saaniko mesokchina didianikoba dakangaha.
Sumi Aphuyemi Baptist Church (Kohima), Nagaland Chamber Choir, Khedi Baptist Church (Kohima Village) aro Live Voice (CRC Viswema) dolrang, Devotional service-ni salo ring•mitelani gitrangko ring•e on•angaha.
December 1 tariko Hornbill Festival-ko a•bachengatenba, ia Advent Christmas Devotional Service-ona sak 2,085 rori-rang baksana India-ni dingtang dingtang biaprangoni songrebagipa sak 30,816-rangko man•chape chu•gimkk lakh 1.22 manderang re•bae bak ra•angtokaha. Nagaland-ni dal•batgipa jatni maniani baksana namen mingsinggipa maniani ong•enba, bilsiantin ia Hornbill Festival-ona sak hajal ni hajal manderang sokbatokronga.
Na·simang ia video-koba nina man·gen:
Na·simang iakoba poraina man·gen: Mondolirangna gong lak 6 tangkako South Shillong MLA sualata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
