Shillong, May 04: Shillong-ni Ganesh Das Maternal & Child Health Hospital-o bi·sako an·pakmiting somoio nurse-rangni simsakbregija kamko ka·anichi gisikni gita sinjetaniko man·enggipa saksa ma·gipa Paltima Rani-ni nokdangna a·dokni Health and Family Welfare department-ni gita hospital-ni chu·gimik korosrangko gampilskachina Ri-Bhoi a·jani Mawlyndep songni nokma, Jinu Kharbuki, a·dok sorkario dabiangaha.
Ia obosta ong·anggipao, ua atchidaldal bi·sa ua somoio ia mamlako jako ra·enggipa manderangni simsakgijanichi siangna gita nangaha ine hospital-ni kosako matnanganiko nikna gita man·aha.
Bi·sako an·pakani somoio simsakbregija kam ka·e Paltima-ni be·en ning·o bijiko dongualgipa manderangkoba nokdangna gamatchina gita songni nokma, Butbar salo sorkario dabiangjolaha.
Ia mamlani bidingo a·dokni health and family welfare department-ko jako ra·enggipa Ma Ampareen Lyngdoh baksa agangrikna gita, Executive Committee-ni tom·aniko ong·atchinaba songni nokma dabiangaha.
Ua sianggipa atchidaldal bi·sara Ganesh Das Hospital-o atchiahachim, iani ja·man uko Nazareth Hospital-ona ra·angskaaha, jeon ua bi·sa mija Mongolbar attamo siangaha ine nikatna gita man·gen. Indake ong·oba, bi·sani ma·gipade uni be·en ning·o biji donchanggipako NEIGHRIMS hospital-o chu·soke ra·ongkate galani ja·man da·odipet an·sengkalengaha ine koborko man·soaha.
Indake ong·engon, Paltima Rani-ni mamlako jako ra·e sanna kusi ong·e ra·chakahani gimin aro uni be·en ning·oniko bijiko chu·soke ra·ongkatahani gimin segipa Donald Rani, NEIGRIHMS hospital-ko dingtangmancha mittelpilangaha, aro uandake, simsakbregija kamko ka·anina Ganesh Das Hospital-koba uamang jiksesa matnange aganangaha.
Iakoba poraie nina man·gen: Assam-o, bilsi 12-ong·gipa me·chikko kal·akani ja·man so·ote gala
