Guwahati, Mar 13: Assam a•doko Higher Secondary Leaving Certificate (HSLC) porikkani question paper, social media-rango leak ong•ani gimin ia porikkako Board of Secondary Education Assam (SEBA) dontongatani ja•man, iani bidingo talataniko on•china Assam State Legislative Assembly-o opposition dol, sorkario dabiangaha.
Assam Legislative Assembly-ni budget session-ko ong•atanio, HSLC porikkani question paper leak ong•gipani bidingo talataniko on•china opposition dol dabiangani ja•man, dolgnini gisepo ding•chaoe jijagrikaniko nikangna gita man•aha.
Assam-ni Education Minister Ranoj Pegu-ni social media-o parakatani gitade, HSLC porikkani General Science subject-ko March-ni 13 tarik Sombar salo ong•atani ong•achim indiba ia subject-ni question paper, Robibar salo social media-rango leak ong•ahani gimin ia subject-ko dingtang salona donatskaahachim.
Indake ong•engon, HSLC porikkani question paper leak ong•ahani gimin chatro chatrirangni dolrang aro opposition dolrangba sorkarini kosako jegale jingjengatanirangko dakangaha.
