Shillong, May 5: Ia 2025 bilsini Higher Secondary School Leaving Certificate (HSSLC) Arts porikkani result-koba Sombar salo, Meghalaya Board of School Education (MBOSE) parakataha aro ia bilsini HSSLC Arts porikkao chatro chatrirangni chu•gimik chu•sokani 82.05 percent gapaha.
Ia bilsio gimik sak 22,835 candidate-rang HSSLC Arts porikkako seaha aro ianoni sak 18,736 candidate-rang chu•sokgipa ong•na man•aha.
Ia chang HSSLC Arts porikkako Eastern West Khasi Hills a•jao gimik sak 767 chatro chatrirang seenba sak 711 chatro chatrirang chu•sokgipa ong•na man•aha aro uandaken ia a•jao pass ka•ani percentage 92.70 percent ong•e, a•dok gimiko nambatgipa ong•aha. Uni ja•man, East Khasi Hills a•jaoba sak 7939 chatro chatrirang Arts porikkako see, sak 7239 chatro chatrirang chu•sokgipa ong•na man•ahani gimin pass percentage-o 91.18 percent ong•aha. Ia bilsini HSSLC Arts porikkao East Jaintia Hills a•jaoba pass ka•ani percentage 90.16 percent ong•e gittamgipa ong•skaaha.
Ia bilsini HSSLC Arts porikkao pass percentage komibatgipa a•jarangara, 64.53 percent-o South West Garo Hills, 64.55 percent-o North Garo Hills aro 66.01 percent-o South Garo Hills a•ja ong•aha.
Na·simang ia video-koba nina man·gen:
Na·simang iakoba poraina man·gen: 2025 bilsini HSSLC porikkao Commerce Stream-o West Khasi Hills 92.3%-ko man·e amgopa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
