Shillong, May 24: Higher Secondary School Leaving Certificate (Arts) topper, St. Anthony’s College-ni Menangmankhraw Kharkongor aro St. Edmund College-ni Gaurav Bharali, 468 marks-rangko man•e chu•sokgipa ong•aha aro social media-rangoni chele dongani aro poraijringanian chu•sokaniko ra•bagen ine ku•pattiangaha.
“Salantio dingtang dingtang a•sel aro obostarang ong•rongaiani gimin dingtangmancha routine tarianirangde dongja, indake ong•genchimoba salo adita kontarangnade anga poraianio somoiko ra•ronga. Ango social media-ni account-rang dongja aro an•tango phone mangmangba dongja, pilak nanganirangko ang ma•gipani phone-osa jakkalrongenga” ine Manangmankhraw aganaha.
Indake, uni chu•sokgipa ong•aniara, Nokgipa Isol, maa paa aro uni skigiparangni a•selsa ong•aha ine aganan baksa uamangko mitelpilskaanikoba dakangaha. Unbaksana, ia susaana nangenggipa somoirango, an•tangni mangsonganirango chu•sokgipa ong•na gita krengna nanga inenba ua chatro chatriskarangna ku•pattiataha.
Topper Gaurav-ba, uni chu•sokgipa ong•anio, uni skigiparang, maa paa aro abigipani jak dongchongmota ine aganenba uamangko mitelpilskaaniko dakangaha.
Indake, ua pilak kamon gisik nange ka•na nanga ine aganengon, nangni namnikgipa a•bao, gisik nange nangni nambatsranggipako on•a nanga maina, mamingan indinde re•baja, uni gimin naa mikkangchi chu•sokgipa ong•na sikgenchimode, gisik nange aro krenga gnang jotton ka•na nanga ine aganangaha.
Unbaksana, mikkangchi ua law-ko poraiangkugen ineba parakataha.
Na·simang ia video-koba nina man·gen:
Na·simang iakoba poraina man·gen: Nokrek a•brijolni Nokmarang baksa Conrad buringko ripingani cholrangni gimin chanchirimanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
