Shillong, Jun 28: Ia 2024 bilsini Higher Secondary School Leaving Certificate (HSSLC) result-rangko hisaptaipile niani ja•man MBOSE-o porikka seanirangko nianio dakgualanirangko nikna man•aha maina Tura Don Bosco College (Higher Secondary)-ni chatro saksa Arghadeep Ghosh-ni result-ko hisaptaipile nion una 7 mark-rangko komibate on•aha ine nikna man•aha.
Ia chatro, Secondary School Leaving Certificate (SSLC) porikkako seanioba Top 10-ni gnigipa biapko man•e pass ka•ahachim aro uandaken ia bilsio HSSLC (Science) porikkako seanioba ua Top 10-o biapko man•a ka•dongengachim. Indake ong•genchimoba, HSSLC (Science stream)-ni result-ko parakaton ua Top 10-o rank-ko man•jaha aro Garo Hills gimikonin saksaba Top 10-o biming nakatjahachim.
Top 10-o biapko man•jahani gimin Arghadeep Ghosh, an•tangni result-ko nipiltaina bi•aha aro uandaken uni result-ko hisaptaipile nion, una 7 mark-rangko komibate on•aha ine nikna man•aha. 7 mark-rangko on•dape da•o ua Top 10-ni skugipa biapona tang•doangskaaha.
Ia chatro baksana Shillong-o donggipa Laban Bengalee Boys HS School-ni chatro Aniket Pattanayak-ba uni result-rangko nipiltaiani ja•man Top 10-ni gittamgipa biapona tang•doangaha.
Arghadeep Ghosh baksana Shillong-o donggipa St Edmund’s HS School-ni Balarisuk Myria aro Laban Bengalee Boys’ HS School-ni Debdeep Chanda-ba Top 10-ni skugipa biapo pass ka•aha.
Ia chatroni result-ko hisaptaiani ja•man, ua Top 10-ni skugipa biapona tang•doangahani gimin Tura Don Bosco College (HS Section)-ni Principal Jogesh B Sangma, an•tangni kusi ong•aniko parakataha.
Result-rangko parakna skang, porikka segimin lekkarangko name nipiltaitaichina gitaba Fr Sangma, MBOSE-ko didiataha.
Na·simang ia video-koba nina man·gen:
Na·simang iakoba poraina man·gen: Red Panda ba Matchibel-ko Lower Dibang-ni a•kawe jolo nika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
