Shillong, May 5: Higher Secondary School Leaving Certificate (HSSLC) Science porikkani result-koba Sombar salo, Meghalaya Board of School Education (MBOSE) parakataha aro ia bilsini HSSLC Science porikkao chatro chatrirangni chu•sokani 82.94 percent ong•aha. Ia bilsio HSSLC Science porikkako a•dok gimikni sak 3922 chatro chatrirang seaha aro ianoni sak 3253 chatro chatrirang chu•sokgipa ong•aha.
Ia chang HSSLC porikkako South West Garo Hills a•jaoni gimik sak 33 chatro chatrirang see, gimikan pass ka•gopaha.
South West Garo Hills a•jani ja•man pass percentage nambatgipa gipin a•jarangara, East Jaintia Hills (96.15%), West Khasi Hills (96.00%) aro West Jaintia Hills (88.75%) ong•a.
Pass percentage-o komibatgipa a•jarangara, East Garo Hills (63.57%) aro South West Khasi Hills (68.57%) ong•skaaha.
Ia bilsini HSSLC Science porikkako gimik sak 2224 me•chik candidate-rang seenba sak 1901 candidate-rang pass ka•na man•aha aro uandaken ia changoba me•asa candidate-rangna bate pass ka•anio nambatgipa ong•taiaha. Me•asa candidate-rangoni ia chang Science porikkako gimik sak 1423 candidate-rang seaha aro ianoni sak 1183 me•asa candidate-rang pass ka•na man•skaaha.
Batanggimin bilsi bongani HSSLC Science result-rangko nigopatgenchimode ia chang, 2021 bilsio 75.85% man•gipana aro 2022 bilsio 71.62% man•gipana bate namkalbataha indiba 2024 bilsio 85.24% man•gipana bate adita komibatskaaha.
Na·simang ia video-koba nina man·gen:
Na·simang iakoba poraina man·gen: Secondary gadango poraiako dontongani batroroengani gimin sorkari ja•kuko de•chakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
