Shillong, Apr 11: Gimaenggipa Hungarian tourist Puskas Zsolt-ni sogimin manggisiko East Khasi Hills a•jani buring damsaoniko man•ani ja•man, ia mandeni sianio maming ong•gija dakaniko chanchichipani dongja ine Sukrobar salo police-rang parakataha.
Iani bidingo kobor ra•timgiparang baksa agangrikengon, ia mandeni tangka aro mobile gimikan uno dongkuenga aro da•o dipetde ia mandeko so•ota ine aganna gita maming chinrang dongkujaenga ine East Khasi Hills a•jani Superintendent of Police (SP) Vivek Syiem aganaha.
Indake ong•genchimoba, post mortem report-ko man•ahaosa talbate ma•sina man•gen ineba ua aganskaaha.
Hungary a•songni tourist Puskas Zsolt, re•anggipa March 29 tariko Shillong songjinmaona sokbae, pring 3:45 bajimango, Laitumkhrah-o donggipa hotel-o kuturiko ra•aha. Apsan salni pring 9:00 bajimango ua hotel-oni ong•kate, local taxi-ko ra•angaha aro ia taxi uko, Sohra samba jolo donggipa Mawsahew songo donbaahachim. Ua biaponi ua, janggilo kebitgipa bag-ko keenba Nongriat-ona re•na miksonge, Mawkawir-chipakna ja•achi re•chakatangaha.
SP-ni aganani gitade, songni bi•sarang ia mandeko, Mawkawir sambao aro Ramdait-oba nikrikaha indiba ia mande gimaenga ine April 2 tariko, Hungarian Embassy-oni police-rangna u•iataha.
Ua salonin ia mandeko police-rang sandina a•bachengaha aro bon•kame Bristibar salni 1:30 bajimango, ia mandeni sogimin manggisiko police-rang man•aha ine Syiem aganaha.
Na·simang ia video-koba nina man·gen:
Na·simang iakoba poraina man·gen: Shillong-ni Apollo Centre-o 5G ambulance-ko a•bachengatgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
