Tura, July 3: Batanggimin adita salrangna skang, Sonja Wildlife Rescue Centre-o donenggipa Huro-rangko Meghalaya State Zoo-ona apjitatna am•ahani gimin Garo Hills a•jao songdongenggipa manderangni gisepo jingjenganirang ong•angahachim.
Iani gisepon, Skotong Minister Conrad K Sangma, Central Zoo Authority (CZA)-ni gita Huro-rangko apjitatchina janapanirang donggenchimoba, a•dok sorkarini gita uamangko apjitatna maming mangsongani dongja ine parakataha.
A•chik Holistic Awakening Movement (AHAM), HURO Programme aro International Union for Conservation of Nature (IUCN) dolrang, Sonja Wildlife Rescue Centre-o naljokate donenggipa saliram jolni Huro-rangko gipin biapona apjitatenganiko champengahanina aro uamangko ripinganio chakpaaniko on•ahanina, Skotong Minister Conrad K. Sangma aro Garo Hills a•jani manderangko mitelpilskaangaha.
AHAM, HURO Programme aro IUCN dol 3-an, Skotong Minister Conrad Sangma-ni agangimin kattarangko ma•sichaka aro mikkangchi ia matburungrangko ripinge rakkianio bilakbate kamko ka•na jotton ba ka•enga ine HURO Programme-ni official saksa aganaha.
Una agreba, Sonja Wildlife Rescue Centre-o nambata cholrangko ra•e, pilak nangnikanirangko namdapatna jotton ka•enga aro Huro-rangko naljokate sanna bannanio aro nirok simsakanio nambatako on•a mangsongenga aro ia gamchatgipa ma•malko ripingna miksonganio, iani bidingo u•i ma•sibatgipa mandeko rimbanaba miksongenga ineba uamang janapdapataha.
Iandake nangrime on•kange kam ka•anichi, saliram jolni Huro-rangko naljoke rakkianio aro ripinganio mangrakbatatna dakchakani ong•a aro nangrime kam ka•genchimosa uamangni dongchakram biapo uamangni silroro namroroaniko aro jelroroaniko bariatna man•gen ineba uamang janapataha.
Na·simang ia video-koba nina man·gen:
Na·simang iakoba poraina man·gen: Behdienkhlam-ni salo kuligipa office-rangko KSU chipata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
