Shillong, Feb 26: Re•anggipa Sonibar salo, Hynniewtrep Youth Council (HYC)-ni membor sakgniko Pynursla Police Station-o police officer saksa kragija dake jak sokaha ine HYC-ni dilgiparang matnangatenba, iani bidingo inquiry-ko dakchina dabiangtokaha.
HYC-ni u•iatani gitade, February-ni 24 tariko, HYC Ri War Mihngi Circle (Pynursla Sub-Division)-ni membor-rang, Bangladesh a•songona matmarangko watatna miksonge ra•angenggipa truck bolgniko rim•enba, iani bidingo FIR ka•na gita Pynursla Police Station-ona re•angahachim indiba police station-ona sokangon, gnigipa officer-in-charge, uamangni badi ka•anirangko knachakgija HYC-ni membor-rangkosa raka kattarangchi agane jak sokskaaha.
Pynursla Police Station-ni second officer-in-charge George Dkhar, uamangni FIR-ko segatna jechakaha aro batesa HYC-ni membor Lamphrang Khonglam-ko kragija dake dokaha ine HYC matnangataha.
Truck garirangko rim•ahani gimin HYC-ni membor-rangko ia police officer, ka•mikkenatpilaha ineba HYC-ni dilgiparang parakataha.
Indake ong•engon, Sombar salo, HYC-ni president Roy Kupar Synrem, East Khasi Hills a•jani Superintendent of Police (SP) Rituraj Ravi-ko grongenba, ia a•selni bidingo inquiry-ko dakchina dabiangaha.
Na·simang iakoba poraie nina man·gen: Anga tangengkua dipet child marriage ko Assam o ra•chakna man•jawa ine Assam ni Skotong Minister Himanta Biswa agana
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
ak ra·angtokaha.
