Shillong, April 15: I-League 2024-25 robol kal·susaani antisana skangan matchotahaomangba All India Football Federation (AIFG) da·omangba kal·ao chegiparangko parakatkujaenga
Iani bidingo Khasi FC rang sing·doaniko dakaha aro jinma jegalgrimaha.
Churchil brothers 40 pointrangko kal·susaao man·aha aro Inter Khasi team 39 pointko man·skaaha. Namdhari FC dolrang ong·gija aro tol·e kal·anirang gnang. Bebe gita uamangni jegalaniko ra·chakgenchimode uamangan kal·anio chegipa ong·telgen.
Iandake ong·engon Churchil Brothers dolrangba super cup kal·anina re·angjawa aro bak ra·pajawa ine uiataha. “Kal·anio mamingba mikkang niteani dongna nangja, donue kam ka·aniko chinga namniksrangja” ine uamangba aganskaaha.
Khasi aro Namdhari dolgnini kal·asusaanio adita ong·gijanirang dongaha.Je mandean ua kal·anio kal·pana man·jachim ukoba uamang drae kal·ataha.
Inter uni dabianiko knachake committee rang kam ka·genchimode uamang 2-2 draw ko gale 3-0 chi cheaniko Inter Khasi dolrangna on·skanaba gnang aro 2024-25 ni kal·susanio chegipa ong·aniko aro changgipin super Leaguena seoka man·aniko parakatnaba gnang. Ian committee ni tik ka·aosa pangchakaignok.
Dolgni kal·susagiparangna uamangna chakenggipa manderang social mediarango ka·onanggrikani, mitakgrikanirang ong·angaha. Churchil Brothers dolrang de Goa re·jomae jegalanikoba dakangpilaha. Inter Khasi dolrangna chakenggipa dolrangba uamangni dabienggiparangko chu·soke dakchina didiani kattarangko agantokaha, indioba iana aganchakaniko AIFF April 28 tarikosa on·anggen.
Na·simang ia video-koba nina man·gen:
Na·simang iakoba poraina man·gen: Garo Hills-ni a•ako Khasirangna pale cha•a ine Morongga A•kingni Nokmako jegalgrima
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
