Tura, Nov 17: Ia bilsini changchetgipa Bilgaro Car Rally, Sonibar salo matchotangaha aro ia Car Rally-ko Larry Mukhim chegopenba ia bilsini ‘Champion’ ine mingako man•aha.

Ia bilsini Bilgaro Car Rally-ko Tura Motor Sports Club (TMSC), North Tura-ni gitcham MLA Noverfield R Marak-ko gisik ra•na gita ong•ataha aro ia chang Bilgaro-o Shillong-oni sakbonga, Williamnagar-oni saksa aro Tura-oni sakbonga driver-rangko man•chape gimik sak 13 gari salsusagiparang bak ra•angaha.

Ia Bilgaro-ko Sukrobar salo a•bachengate, skanggipa salo, km 2.5 ong•gipa ‘Sprint Rally’-ko Bibragre ramao ong•ataha aro uni ja•man gnigipa sal, chong•motan Sonibar salo, km 6 ong•gipa ‘Hill Climb Rally’-ko Aguragre ramao ong•atangskaaha.

Gimikni champion ba chegopgipa ong•na gita gari salsusagiparang, ia minggni susaanirangon bak ra•na nangachim.

Car Rally matchotani ja•man dingtangmancha boksis on•ani program-ko Selbalgre-o donggipa Solace Resort-o ong•atangaha aro ia program-o Mahendraganj-ni MLA Sanjay A Sangma, mongsonggipa sokgipa ong•e, unbaksana GHADC-ni MDC Rakesh Sangma-ba bak ra•angaha.

Ia bilsini Bilgaro Car Rally-o bak ra•e chegipa ong•na man•ahani gimin overall champion Larry Mukhim aro Car category-o chegipa Ronan Bazeley sakgnian, an•tangtangni kusi ong•aniko parakataha.

Na·simang ia video-koba nina man·gen: 

Na·simang iakoba poraina man·gen: Salgnina ong·atanggipa Cherry Blossom Festival ga·subee matchotanga; Mikkang bilsio Backstreet Boys’ re·bagen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub