Shillong, Jan 24: Ia bilsini gisepon, Meghalaya a•doko degree college damgniko a•dok sorkari kulidapna miksongenga ine Sukrobar salo, Meghalaya a•dokni Education Minister Rakkam A Sangma parakataha.

Iani bidingo kobor ra•timgiparangna talate on•angengon, ia degree college-rangko kulina gita Union Education Ministry ra•chakmanaha ine Sangma parakataha.

Ia degree college damgniko, East Jaintia Hills aro West Khasi Hills a•jao kuligen ine parakatengon, ia degree college damgnina sak 100-na baten skigiparangko ra•na gita Education department, u•iatanirangko on•manaha ine ine Sangma aganaha.

Sing•anirangna aganchakaniko on•angengon, Patharkhmah degree college aro Rongjeng degree college-ko ia bilsionin kulignok aro Mawphlang Commerce & Science College-koba ia bilsionin a•bachenggnok ine Education Minister parakataha.

Lekka porani kamrango bang•en neng•nikanirangko chagrongna nangkuenga ine janapatengon, gipin a•dokrang baksa tosusagenchimode Meghalaya a•doko skulrang, skigiparang aro skigipani gadangrang bang•bata indiba Chief Minister-ni mangkime dilanichi a•doko bang•en dingtanganiko nikna man•engaha ine Sangma aganaha.

Chief Minister Conrad K Sangma-ni dilanichi batanggimin bilsi bongani gisepo NPP-chi dilenggipa MDA sorkari, college-rangna, secondary skulrangna, primary skulrangna aro gipin institute-rangna gital building-rangko rike on•na man•aha ineba Education Minister aganaha.

Na·simang ia video-koba nina man·gen:

Na·simang iakoba poraina man·gen: ACHIK dolrang, Purakhasia Health Centre-ni obostana suk ong•ja

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub