Shillong, Apr 13: Operation Meghdoot-ko, Northern Ladakh a•dokko sakgipinni ganggopanganiko man•rikpilna, Indian Army aro Indian Air Force (IAF)-ni Siachen Glacier-ona re•baani somoio, 1984 bilsini April 13 tariko a•bachengataha.
Ia operation-o, IAF dol, Indian Army-ni sipairangko aeroplane-o salruraenba tin•kagimin surirangni a•brirangona galone donaniko dakachim. Indake ia operation-ko 1984 bilsio a•bachengatgenchimoba, 1978 bilsirangonin IAF dolni skanggipa sildorengrang Chetak-ko, jekon 1978 bilsini October jao Glacier-o bilonchengaha, ia sildorengko Siachen Glacier-o jakkalengahachim.
1984 bilsio, Ladakh adokko uamangni a•songo man•chapja ine u•iahaon, Pakistan dingchaoaha aro Siachen a•brijolo gipin a•songni manderang songdongna a•bachengaha jean, a•songgnini gisepo meligrikgijani ong•skaaha.
Indake, Pakistan-ni sipairang ua jolo golmal ka•na am•enga ine koborko man•soahaon, India a•songba, Siachen-ko uamangni a•kange ra•gnioniko champengsona mangsongskaha.
Ia kamo, IAF dolni gisik challakigipa airlifter-rang, chong•motan, An-12s, An-32s aro IL-76s-rang, a•brini chu•batgipa biaprangona sipairangko aro nangchongmotgipa bosturangko salrurae on•anio mongsonggipa bakko ra•e kamko ka•angaha, indake, ia biaprangoniko, Mi-17, Mi-8, Chetak aro Cheetah sildorengrang, manderang baksana bosturangkoba Glacier-ona salangskaaha.
Indake bakan, Glacier-ni a•brirango sak 300 sipairangko gipatna man•aha. Ua somoion, Pakistan Army-ba, uamangni sipairangko rimbaskaha, indake ong•genchimoba, Indian Army sipairang a•briantio gipahani gimin chu•sokani cholrang bataha.
1984 bilsionin, IAF dolrang, namen sin•begipa a•brirango dakgrikbaengaha, aro uamangni gisik matsramaniko, chakchikrakgipa ong•aniko aro changa sapaniko uamang jakkalkuenga. Ia opration-o, mande aro bosturangko salrurana jakkalaiasan ong•aiachim, indake ong•genchimoba, IAF aircraft-rangko dakgriknaba jakkalangskaaha.
IAF-ni Hunter aircraft, 1984 bilsini October jaoni operation-ko a•bachengataha. Adita bilsirangni jamano, Hunter-rang, Leh-ni 700 rokomrangna batpile bilanio chu•sokaha. Indake, fighter aircraft-rang bang•batroroaha aro bang•a Glacier-o donggipa Indian sipairangko mangrakbatatna dakchakani ong•aha aro ian, ua jolo bobil dolrangni kragija kamrangko champengsona mikrakataniko uamangna on•ataha. Uni jamano, South Leh-ni Kar Tso-ni chu•gipa a•brijolrango, sikchidare gnang dakgrikna tarigimin sipairangko watatskaaha. Indake ong•engon, MiG-23s aro MiG-29s fighter aircraft-rangba Leh aro Thoise-o kamko ka•na a•bachengskaaha. IAF dolba, 2009 bilsio chalaina Cheetal-ko watataha. Cheetal ian Cheetah sildorengan ong•a, jekon chu•gipa aro ka•singipa a•brirango, nambate chalaina man•a gita, TM 333 2M2 engine-oniko taritaigipa ong•achim.
2013 bilsini August 20 tariko, gital tarigipa four-engine aircraft, Lockheed Martin C-130J Super Hercules-ko, a•gilsako chu•batsranggipa Ladakh-ni airstrip Daulet Beg Oldie (BDO)-o bilonchengaha.
Da•alo, IAF dolni aircraft Rafale, Su-30MKI, Chinook, Apache, Advanced Light Helicopter (ALH) Mk III & Mk IV, Light Combat Helicopter (LCH) Prachand, MiG-29, Mirage-2000, C-17, C-130 J, IL-76 aro An-32, Operation Meghdoot-ko chalaianio dakchakaniko on•enga.
A•gilsako chu•batgipa dakgrikani a•bao aro namen ka•sinbegipa biaprango, IAF dolni sildorengrang, Indian sipairangna dakchakanio, gitchambatgipa military operation-ko dakengkuanio, rang•gitik dakchakaniko nangenggiparangna bakan dakchakaniko on•anio, Glacier-o mata bua man•e aro sae ding•e dongenggipa manderangko rimongkatanio aro nangchongmotgipa bosturangko salrurae on•anio mongsonggipa bakko ra•e kam ka•gipa ong•a.
Na·simang ia video-koba nina man·gen:
Na·simang iakoba poraina man·gen: HM re•bana siengon, gital golmal ong•anichi Manipur-ko jingjengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
