Dehradun, Oct 15: Indian Air Force – Uttarakhand War Memorial (AIF-UWM)-ni ong•atenggipa Joint Car Rally, Sombar salo Dehradun-ona sokbaaha aro ia car rally-ko Jhajhra-o donggipa UCoST Science City-o chatro chatrirang aro scientist-rang kusi ong•bee rimchaksotokaha.

Ia Joint Car Rally-ko Thoise (Diachen)-oni a•bachengate, Leh, Srinagar aro Jammu gita nappakbaenba da•o Dehradun-ona sokeaha.

Ia car rally-ko UCoST Science City-ni mingsinggipa scientist aro Director General Dr Durgesh Pant-ni dilanichi rimchaksoaha aro car rally-o bak ra•giparangna, Arunachal Pradesh, Mizoram aro Uttarakhand a•dokni chatro chatrirang, pulrangko on•e rimchaksotokaha.

Ia car rally Dehradun-ona sokbaani ja•man Mongolbar salo, dingtangmancha a•songtangna dangdike on•anio janggirangko gimaatna nanggipa sipairangna Dehradun-ni Cheed Bhag-o donggipa Shaurya Sthal-o Uttarakhand Sub Area-ni dilanichi mande ra•pilskaani program-ko ong•atangaha aro ia program-ko ong•atanio, Uttarakhand a•dokni Governor Lt Gen Gurmit Singh, car rally-o bak ra•gipa manderang baksa, sianggipa sipairangna mande ra•pilskaanirangko dakangaha.

Ia km 7000 ong•gipa car rally-ko Jammu & Kashmir a•doko donggipa Thoise-oni Arunachal Pradesh a•doko donggipa Tawang-ona ong•atengani gimin ia car rally-o bak ra•giparangna an•tangni namgipa skanirangkoba Uttarakhand a•dokni Governor on•ataha.

Ia car rally-o bak ra•enggipa manderang, October-ni 16 tariko Agra-ona re•mikkangskana sienga.

Ia car rally-ko Wing Commander Vijay Prakash Bhatt dilenga aro iano dingtang dingtang IAF official-rang aro gipinrangba bak ra•enga.

Na·simang ia video-koba nina man·gen:

Na·simang iakoba poraina man·gen: Tura-ni Hindu Shamshan Bhoomi Committee October 19 tariko election-ko ong•atanggen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.co

m/@NortheastMediaHub2020

Instagram- https://www.instagram.com/ne_media_hub