Shillong, Dec 13: Deputy Chief Minister, Sniawbhalang Dhar, Jowai-ni MLA Wailadmiki Shylla-ni dongpaanio, Iawmusiang Complex-ko taritaipilna aro Jowai Constituency-ni ning•o ga•akgipa gital rama sorokrangko tarina gita Sukrobar salo pangchakaniko songe on•aha.
JHADC-ni CEM Thombar Shiwat, Iawmusiang anti cha•chakram biapko taritaipilaniko a•bachengatgnok aro Jaintia Hills a•ja gimikni antio cha•gipa bazaar-rangkoba taritaipilna ka•dongsoaniko parakataha.
Ia project-ko 2006 bilsini July jao DONER-ni gita JHADC-na gong crore 20-ko chamatani ong•achim, indake ong•genchimoba gelna man•gijagipa a•selrangchi ia project-ko dondikatani MoU-ko JHADC aro a•dok sorkari baksa 2010 bilsini August 10 tariko soi ka•grikaha. Indake, ia project-ko PWD jako ra•angskagen aro ja 24-ni gisepon matchotna gita ka•dongsoenga.
MLA Wailadmiki Shylla, ia project-ko matchotatna gimik gimang crore 20-ko chamataoni da•o koros ong•a gimik crore 7 mang ong•aha aro ia project-ko matchotatna ja 24 mang on•ahani gimin somoi gita matchotna man•a gita chakpaaniko on•china, pilak Waheh Chnongs, NGO-rang aro songdongenggipa manderangko ua mol•molataha.
Bang•a somoion social media-rango, sorkarini kosako matnange aro jegale aganronga, indiba battanggimin bilsi gni mangni gisepo sorkarini kam ka•aniko nikna guala ine janapatan baksa, ja 24 mangna skangan ia project-ni contractor kamrangko matchotatna ka•dongsoaniko Sniawbhalang Dhar parakataha.
Una agreba, ia program-o Jowai-o rikgipa Circuit House-ni Annexure Building-ko nokdonggae on•angjolaha.
Na·simang ia video-koba nina man·gen:
Na·simang iakoba poraina man·gen: MIG Shillong, Life Skills Training-o bak ra•giparangna mitelpilskaani program-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
