Shillong, Jun 14: Sukrobar salo, ICFAI University-ni changbongagipa Convocation-ko Shillong songjinmani State Convention Centre-o ong•atangaha aro ia tom•anio, Meghalaya a•dokni Chief Minister Conrad K Sangma-ba bak ra•angaha.
Ia tom•anio Chief Minister baksana a•dokni Education Minister Rakkam A Sangma, ICFAI University-ni Chancellor Lt General (Dr) Arvinder Singh aro Vice Chancellor Dr Alicia Gatphoh-ba dongpae bak ra•angaha.
Ia tom•bimonganio a•dokni Chief Minister, jinmana aganprakangengon, ia convocation-ko ong•ataniara graduate ong•angenggipa chatro chatrirangna janggi tangani cholko tariani ong•enga ine aganenba, chadamberangan a•dokni aro a•songni bilba ong•a aro ra•bianiba ong•a ine parakataha.
India a•songara economy-o ta•raken dal•roroenggipa a•song ong•a ine janapatengon, ia dal•roroanio university-rang aro bida budiko on•enggipa pilak institute-rangan cholrangko ra•e chadamberangko tarianio bak ong•enggiparang ong•a ine Chief Minister parakataha.
Meghalaya a•dokoba economy-ni dal•roroanio chadamberangan mongsonggipa bakrang ong•a ine janapatskaengon, Tourism, Information & Technology aro uandakgipa dingtang dingtang department-rango chadamberangna miksonge a•dok sorkarini ra•gatgipa dingtang dingtang program-rangni bidingo Chief Minister agan-talatanirangko on•angaha.
A•dokni chadamberangko sorkarini kamrangnasan rikaigija bading chiwalani kamrangnaba gisik on•china didiangengon, sorkaride economy-ko chalaigipa ong•ja indiba cholko on•gipa gitasan ong•aia ine Sangma aganaha.
Ia tom•anio, a•dokni Education Minister Rakkam A Sangma-ba jinmana aganprakengon, bida budiko man•anian mandeni janggi tanganiko dingtangatna man•gipa ong•a aro chatro chatrirangni graduate ong•ani salara baditaba bilsirangna rakbee kam ka•aniko matchotatani ong•a ine aganaha.
Ia convocation-ko ong•atanio, a•dokni Chief Minister aro gipin dilgiparangni jakchi, graduate ong•anggipa chatro chatrirangna, UG aro PG Merit Certificate-rang baksana Gold aro Silver Medal-rangkoba on•angaha.
Na·simang ia video-koba nina man·gen:
Na·simang iakoba poraina man·gen: ‘Int’l Day Against Drug Abuse’-ko NGH-o manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
