Tura, Mar 27: ICFAU University Tura Campus, District Football Association aro West Garo Hills District Sports Office-ni nangrime ong•atenggipa Super 5 NJY Memorial Cup 2025 Futsal Tournament-ko Bristibar salo, Tura-ni GBHSS Chandmari Football Turf-o a•bachengataha.
Ia Futsal Tournament-ko a•bachengatanio dingtangmancha jinma tom•aniko ICFAI University-ni ning•o donggipa English Department-ni Head aro Assistant Professor Karishma Dahal dilangaha aro rimchaksoani kattarangko, Management Department-ni Head aro Assistant Professor Chompaboti Hajong aganangskaaha.
Ia Futsal Tournament-ko a•bachengatanio, ICFAI University-ni Vice Chancellor Dr Alicia Gatphoh, jinmana aganprakangengon, chadamberangni dal•roroanio aro songsalni bakrimanio kal•susaanirangko nangchongmotani gimin aganangaha.
Ia tom•anio, District Sports Officer Saljagring M Marak, Futsal Tournament-o bak ra•enggipa dingtang dingtang dolrangni gimin talataniko on•angenba, ia kal•susaanina dongimin niamrangkoba talate on•angjolaha.
Mittelpilani kattarangko, English Department-ni Assistant Professor Abijit Sarkar aganangskaengon, ia program-ko ong•atanio dongpae bak ra•giparangko aro ia Futsal Tournament-o bak ra•enggipa dolrangko mittelpilangaha.
Ia salgittamna ong•atenggipa Futsal Tournament-o gimik dol 30 robol kal•giparang bak ra•enga.
Na·simang ia video-koba nina man·gen:
Na·simang iakoba poraina man·gen: Dr Fameline-ko NEHU Tura Campus-ni PVC songani gimin chatro chatrirang mittelpila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
