SHILLONG, MAR 27: East Khasi Hills districto, Shella police station-ni ning·o donggipa Ichamati songo sakgni manderang Budbar attamo doke siataha.

Kobor man·soani gitade, gipin NGOrang baksa nangrime Khasi Students’ Union, Citizenship Amendment Actni kosako jegale Ichamatio rallyko ong·ataha. Ua tom·ani ong·engmitingo namgijana chanchigipa saoba manderang chol ra·e sakgni rori manderangko doke siataha.

Ua sakgni manderangni sianiko East Khasi Hillsni Deputy Commissioner SC Sadhu ong·bebea kobor parakataha, indiba sigiparangni bidingo che·eme talataniko man·sokuja.

Ua jolo so·sojengjeng ong·anirang a·bachengenga ine u·ie chel·chakgipa dolrangko watataha.

Indake ong·engon, pilak Sprang simsakchina aro joltangtangko wenchina gita u·iataniko on·aha.

Policeni aganani gitade, Esan Sing-ni manggisiko Ichamatio aro Sujit Duttani manggisiko Dalda-oniko man·aha. Iako seaona kingkingde obosta ong·ani bidingo tale roke kobor man·kuja.

Na·simang iakoba poraina man·gen: Congressni janggilo ba·tomgiparang mangmangba Assamese songsalko chel·chake rakkina agana daka: Sarbananda Sonowal

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub