Shillong, Dec 19: Meghalaya a•dokni dam 11 district hospital-rangna ge 10 palang donggipa ICU Project-ko aro Tele ICU Hub ge 2-ko Mongolbar salo, Meghalaya a•dokni Chief Minister Conrad K Sangma a•bachengate on•angaha.
Ia ICU project-rangko a•bachengate on•ani bidingo social media-o parakatengon, Meghalaya a•dokara a•briarigipa biap ong•e re•a doanio neng•nikanirangko chagrongna nanggipa biap ong•ani gimin sanna bananirangko on•anio, mongsongbate songadam nokadamrango bang•en neng•nikanirangko chagrongna nangronga aro ia ge 10 palang donggipa ICU Project baksana Tele ICU Hub-rangko a•bachengataniara, iandakgipa neng•nikanirangko chel•chakna dakchakani ong•gen ine Chief Minister parakataha.
Ia gital kolko ra•gataniara Meghalaya a•doko sanna banani kamrangko dingtangatanio gital ja•ku de•chakatani ong•gen ineba ua parakataha.
Chief Minister-ni u•iatani gitade, ia project-ara district hospital-rango donggipa ICU baksa internet gita sanna banani cholrangkoba on•engani gimin ian hospital-rango sagipa manderangko sanna bananio bang•a dakchakanirangko on•na man•gnok.
Ia project-rangko on•gilatahani gimin ua eGov Foundation aro Karuna Trust-koba mittelpilataha.
Iakoba poraie nina man·gen: Gari changketbeoba Krismasna katchasobo!
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
