Agartala, Mar 15: Tripura-ni skotong Minister Manik Saha, 25th IIFA Award-ko ong·atanio Popular Category-o, ‘Laapata Ladies’ jawilwat-ni golpoko seahanina Best Story (Original) Award-ko man·gipa Biplab Goswami-ko, Agartala-ni Nazrul Kalakshetra-o Tripura Film & Television Institute-o program ong·atanio mande ra·pilskaaniko dakangaha.
Goswami-ni iandake chu·sokaniara Tripura a·dokoni ja·wilwat tarina gisik nanggipa chadamberangna dakmesokani aro didiani ong·aha ine aganan baksa sorkarini a·bachengatgipa TFTI-ni chadamberangko ja·wilwat tarianio dakchakaniko on·gni kamrangni gimin Skotong Minister Manik Saha aganaha.
Unbaksanaba, ia Industry-ni dal·roroanio aro ja·wilwat tarina gisiko nanggipa chadamberangko didianio Goswami bang·a on·gilpaaniko on·gen ine ka·dongsoanikoba ua janapataha.
Iandakgipa ja·kuko de·anichi, medicine, engineering aro accountancy aro uandakgipa a·barangona agreba, ja·wilwat tariani, golpo seani aro dakmesokani cholrangko chadambe-rangna on·enga jean batanggimin bilsirangna skang de dongjachim ine Biplab Goswami-ba aganaha.
Indake, a·gilsak gimikon entertainment Industry-rangni tang·dororoenganiko nikna man·enga aro Tripura-o Film & Television Institute-ko a·bachengatanichi a·dokni tang·doenganiko mesokani ong·enga ineba ua aganaha.
Na·simang ia video-koba nina man·gen:
Na·simang iakoba poraina man·gen: NorthEast United FC baksa Jamshedpur FC, March 30 tariko mikkangchakgrike susagen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
