Shillong, Jan 25: NE-CCIE and Nurturing Minds, ingipa IIM Shillong-ni chatro chatrirangni dol ge•sa, Meghalaya a•doko lekka pora bidako ra•anio dingtanganiko ra•bana gita program ge•sako a•bachengataha. Ia program-ni bak gita, Meghalaya a•dokni chatro chatrirangna dakchakniko on•a miksonganio chong•motan maths ka•aniko altubate aro nambate ka•na man•a gita uamang Maths Campaign-ko ong•atangaha.
Uasan ong•aigija uamang, IIM Shillong-ni ra•gatgimin dam 2 skulrang chong•motan Mawkasiang Umroh Presbyterian School aro Quidotto Memorial SSA RCLP School-rangoba sal 5-na Winter Workshop-ko ong•atangaha. Ki•taponiko skie ra•ana agreba, chu•gimik tang•dobatataniko man•a gita gisiko nangbatchina gitaba ia workshop-o didianiko on•angaha.
January jani 20 tarikoni 24 tarikona ong•atanggipa ia workshop-o dingtang dingtang poraianirangko brine poraiani, changa sapani gimin skie ra•ani aro lekka pora skie ra•anio gital janggi tanganio changa sapaniko skie ra•anikoba on•angaha.
Samtangtango donggiparangni bidingo noksa salsusaani, an•senggipa maths games ba kal•anirang, science-ni gimin dake niani aro naljokani cholrangko skie ra•anirangoba chatro chatrirang bak ra•angaha, jean uamangna chanchiani, gital chanchibewalani aro neng•nikanirangko olgrokatna gita dakchaka.
Ia workshop-ni gita yoga, kal•suaaani aro chrokanirangchi be•en bimangko an•seng baljoke rakkichina didiangaha. Ia workshop-ko jatni dakbewal rikbewalrangchi matchotataha, jeon chatro chatrirang an•tangtangni changa sapaniko rasong chae mesokangaha.
NE-CCIE-ni Chairman, Dr. Teidorlang Lyngdoh, ia workshop-ara skie ra•anisan ong•aija indiba ian chatro chatrirangko chanchina aro ra•bianirangko jangdangdikna skie on•ani ong•a ineba aganangaha.
Janggi tanganio a•sol neng•nikanirangko chagrongani giminsa chatro chatrirangko tarisamsona nanga aro iandakgipa program-rang u•ie ra•na gita gisiko sikbeani, ka•dongani aro nambatgipa ong•na skaniko taria. IIM Shillong aro uni dolni ia ja•ku de•aniara Meghalaya a•dokni chadamberangna mikkangchi nambata janggi tangani cholko ra•bana dakchakenga, inenba Nurturing Minds-ni member saksa u•iatangaha.
Na·simang ia video-koba nina man·gen:
Na·simang iakoba poraina man·gen: New Delhi-o Republic Day-ko manianio Garo Hills-oni Wangale mesokanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
