Guwahati, Oct 15: Songjinmarango nok rikanirang bariroroengani a•sel biapni kri ma•gapatna man•gipa choki, table aro palangrangko nangnikani batroroengani gisepon, Guwahati-ni Indian Institute of Technology -ni am•samdigipa dol, Design Department-ni Prof. Supradip Das aro uni chatro gitcham Mr. Rijas M. P, Prototype-Driven-Innovation-ko jakkale ge•sa asongchakaniko tariaha, jekon bang•a jakkaltogipa bosturang jekai choki, table, bostu donchakani ba uandakgipa ming 8 bimangrangko nangani gita tarina man•gen.
Uamangni tarie mesokgipa bimangni dingtangani aro namen jakkaltobegipa ong•ani gimin ia asongchakanina dorgasto nombor. 201931044202-ko man•aha.
National Sample Survey Organisation (NSSO)-ni am•sandie man•ani gitade, 32%-ni gita songjinmao rikgipa nokrang 258 sq.ft. ong•giparang ong•a ba una komigiparang ong•a, indake 39%-ni gita songadamrango rikgipa nokrang 312 sq.ft ba una komigiparang ong•skaa. Uni gimin ia indakgipa gitalgipa asongchakani ba dingtang dingtang bimangona tarina man•gipako bikotaniara namen nangchongmotgipa ong•enga.
Ia asongchakaniko matchotatna skang iako tarigipa dol bang•a porikka ka•e nianirang, jekai biap cha•gijani, jakkalna altubeani aro kra•a damo palani bidingo nianikoba dakangaha. Ia tarigimin design ba bimang altuae jakkalna man•asan ong•aija indiba name dalgapate donna gitaba man•a, chong•motan, ‘IKEA effect’ ingipako sikdepate altuae an•tangan chimonge donna gitaba man•aigen.
Ia tarigimin asongchkani dal•a chona pilaknan jakkaltobegipa ong•a, chong•motan bi•sarangnaba chongipa asongchakani bimangko uamang tariaha.
Prototype-ko tarina gita tangka gong hajal 35-ko nanggenchim ong•oba, bang•e tarianichi damrangko komiatna gita man•gen.
Ia bang•a kamna jakkalna man•gipa ba bang•a bimangrang jekai choki, table ba uandakgipa bimangona tarina man•gipa design ba bimang, apchangketgipa ba biap chongipa biaprango donggipa manderangna namen jakkaltobegipa ong•gen.
Na·simang ia video-koba nina man·gen:
Na·simang iakoba poraina man·gen: UNIFIL-ni membor-rangko miksongmanchae nisan ka•a ine matnangako Israeli PM jegala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
