Shillong, Mar 20: Meghalaya a•dokona niam gri napsrukanirangko champengna Inner Line Permit (ILP) gita dakgipa niamrangko ra•gatchenggija rel garirangko ra•bana jotton ka•genchimode Khasi Students Union (KSU)-ni membor-rang, pattokchi re•na nangoba re•aigen ine Bristibar salo sorkarina mikrakataniko on•angaha.
Bristibar salo, KSU-ni bilsi 47 gapaniko manianio KSU-ni president Lambokstarwell Marngar, ia kattarangko aganaha.
Marngar-ni aganani gitade, ru•uta bilsirangonin KSU, ILP-ko ra•gatchina dabiengon a•dok sorkari, Khasi aro Jaintia Hills a•jarangona rel ramarangko taribana gitasa jotton ka•skaenga indiba uamang ILP gride ia jolrangona rel garirangko ra•napbana on•kujawa.
KSU-ni jegalaniko manigija Khasi aro Jaintia Hills a•jarangona rel garirangko ra•badrana jotton ka•genchimode, KSU-ni pilak membor-rangan sorkarini kosako jingjengatanirangko dake, pattokrango napna kusi ong•aigen ine Marngar mikrakataniko on•angaha.
ILP-ko ra•gatna gita a•dok sorkari, 2019 bilsion resolution-ko pass ka•manahachim indiba da•alonan ma•mong sorkari, maming aganchakanirangko on•kujaenga ineba ua aganaha.
Meghalaya Residents Safety & Security Act (MRSSA) 2016-ko ra•gatchipkujaengani gimin a•dok sorkariko sing•doangengon, manderangni seoke watatgipa MLA-rang, Tribal-rangni namgnina maming ku•rangkon on•jaenga ine KSU president matnangataha.
Batanggimin bilsi 47-ni gisepo dingtang dingtang neng•nikanirangko chagrongna nangahaoba KSU, Tribal-rangni namgnina dingtang dingtang kamrangko jako ra•e ka•aha ineba Marngar aganaha.
Na·simang ia video-koba nina man·gen:
Na·simang iakoba poraina man·gen: Assam-o nikronggijagipa chipuni rokomko nika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
