23.8 C
Tura
spot_img

ILP-ko ra·gatna ma·mongni ra·chakaniko man·na, Congress lekka sedonasia

Must read

Shillong, Nov 23: Meghalaya a·doko Inner Line Permit (ILP)ko ra·gatangna jinmani namnike ra·chakanggiminko ma·mong sorkarioni da·ona kingkingba ra·chakkujaiengani gimin lekka sedoangna gita warachakgipa Congress dol tik ka·angaha.

ILP-ko a·doko ra·gatangna gita Meghalaya Legislative Assembly-o jinmani ku·rangsan ong·e uko ra·chakanggiminko maan ra·na nanganiko gisik ra·atpiltaina gita chinga ma·mong sorkarina lekka sedoatgen ine warachakgipa dolni Chief Whip, Pa PT Sawkmie mijal Robibar salo aganaha.

“Chingni miksonganiko aro a·dokni manderangni chu·sokatna nangnikenggipako dal·e ra·china gita chinga ma·mong sorkario mol·moa,” ine ua aganaha.

Indake ong·genchimoba, mijamangmango a·dokni skotong minister Pa Conrad Sangma-ni New Delhi-chi doange grongbamiting somaio Union minister ia mamlao maming ku·chakata dongja ingipakode knamanenga ine Pa Sawkmie aganaha.

Dangdike on·china gita manderangni seoka man·giparang ong·eming, ia mamlao warachakgipa dol ku·gri gita jrip-mittip donge asongaride dongna man·jawa, maina ILP-ara ru·utbea bilsirangna skangan a·dokni manderangni chu·sokatna nangnike dabibaienggipa ong·a, uni gimin chinga iana jotking-su·king dakangkugen, ineba ua agandapaha.
Iarangni gisepon, ma·mongni ra·chakanggipa Citizenship Amendment Act (CAA)-ko jegalaniko dongtonggija dakangkuna kang·kare kaenba a·doko ILP-ko ra·gatanio ma·mong sorkarini ru·utatengani gimin gimik dol-sni organisation-rang uamangni dabie jingjengatanirangko a·bachengtaiaha.

spot_img

More articles

spot_img
-->

Latest article