Shillong, Nov 25: Dabianirangko knachakchina jingjengatenggipa dingtang dingtang dolrangni ILP-na dabianirangko a·doko dakpiltaiengahani gimino, a·dok sorkari ia mamlako gisiko nangen ma·mong baksa agangrikenga ine dakchakgipa skotong minister Pa Prestone Tynsong mijalo agan-talataha.

“Skotong minister Pa Conrad Sangma aro anga iani giminan Ma·mong sorkari baksa agangrikanirangko daktaitaienga ine janapengon, a·dok sorkarini chanchirimani a·ba ong·ode, iako ru·uta bilsirangna skangan matchotate on·anisajokchim, ine Pa Tynsong aganaha.

“Ian ma·mong sorkarini chu·gimik jakosa ong·a, uni gimin chinga iako agan-talatachi ma·siate on·na aro uamang baksa agangrikangna nanggen,” ine ua agandapaha.
A·dokni skotong minister ong·anggipa Dr. Mukul Sangma-ko matnange aganengon, Congress dolni sason ka·miting somaio Pa Mukul an·tangan a·doko ILP-ko ra·gatna nangnikgijagipasachim ine Pa Tynsong aganaha.
“Mukul-ni re·dilmitingo Congress dol, ILP-ko jegalaha, indiba MDA-ni sasono ong·mitingosa chinga iako jinma namnike ra·chakangaha… batanggimin 2015-2018 bilsirangni gisepo Mukul, changsamang ILP-ni gimin chanchidiljokma?” ineba Pa Tynsong sing·doangaha.