Shillong, Nov 15: India Meteorological Department (IMD), Meghalaya a•dokni sosibatsranggipa biap Mawsynram-o Automatic Weather Station (AWS)-ko songaha.
Ia Station-ko oprake on•aniara, IMD-ni a•songna dangdike on•ani bilsi 150 gapaniko gisik ra•na gita Stakeholder Workshop-ko ong•ataniko gisik ra•atani gitaba ong•achim.
Ia Workshop-ko, Meteorological Centre Shillong ong•ataha aro ia tom•anio, Revenue and Disaster Management, Govt. Of Meghalaya-ni Secretary, Matsiewdor War Nongbri aro Meteorology, IMD-ni Director General, Dr. M. Mohapatra dongpae bak ra•angaha.
Mawsynram-ni Rangbah Shnong Shri A. L. Shangpliang, AWS-ko songahanina IMD-ko mitelpilskaaniko dakan baksa, tourist-rangko re•baatna man•a aro manderangna skie on•a gita exhibition center-ko on•chinaba janapangjolaha. Unbaksana, ia project-na ua a•akoba on•a ku•chakaha aro meteorological research-ko dakanina ua jolo donggipa manderangni chakpaanikoba janapangaha.
Dr. Mohapatra-ba, 1875 bilsio a•bachengataoni IMD-ni dangdike on•baenganiko, mikka wagni ba sal rakgniko agansamsoani aro Mausamgram-ko a•bachengatani chong•motan, sal 10-na skangan mikka wagni aro sal rakgniko u•iatsamsona jakkalgipa ostro-ko a•bachengatani gimin kan•dike talate on•angaha.
Una agreba, ia workshop-o disaster management ba ong•telaigipa a•selrangko champengsoani, ge•a gamani aro chi man•ani giminba chanchirimaniko dakangaha.
Na·simang ia video-koba nina man·gen:
Na·simang iakoba poraina man·gen: Spear Corps Warriors, drug rehabilitation centre-ni bidingo Awareness Program-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
