Guwahati, March 30: Indian National Congressni kosako Income Tax Departmentni kajina gatdapaniko “niam gita ong·ja” ine jegale Assam Pradesh Congress Committee (APCC) Sonibar salo Guwahatio namnikgijaniko mesokaha.
Jing·jengataniko Congressni mongsonggipa dilgiparang jekai Meera Borthakur aro Prithviraj Sathe aro gipin dal·dalgiparang dilgiparang dakdilaha. INC-ni kosako kajinako gatdapna kam ka·engania democracyko ga·changbate dakengani ong·a ine uamang jegalaha.
Uamangni dolni kosako kajina gatdapaniko “tax terrorism” ine India gimikon jing·jengatengon Assamonaba uni chipakkore sokbaaha.
Congress-ni paraka gitade, Rs 1800 kror tax gamchina uamangna lekka sokbaaha. Iani bidingo a·song gimikon jegalaniko mesokchina gita Congress General Secretary (Organisation) K C Venugopal pilakchinan u·iataha.
Ia kajina gatdape lekka on·anian namen ong·gijagipa ong·a aro Lok Sabha eleksinna skang indake ong·ania uamangni dolko dingtangmancha ong·gija dakani ong·enga ine Congress matnangaha.
“BJP kal·ake rogipa sorkari ong·a, ia changode kal·ake rogipa sorkariko galani ong·engjok” ine Assam Pradesh Mahila Congress President Meera Borthakur aganaha.
“BJP sorkari a·songni democracyko gimaatna jotton ka·enga. Congressni 135 kror tangka ong·gipa accountko BJP tekchange donata baksa Rs 1800 kror tax gamchinaba lekka on·aha: ine AICC Secretary in-charge Assam, Prithviraj Sathe aganaha
Na·simang ia video-koba nina man·gen:
Na·simang iakoba poraina man·gen: Me·chikrangni Bil 21st centuryo Indiako mikkangchina dilenggipa: Sarbananda Sonowal
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
