Guwahati, Aug 11: Tom·tomaniko nangnikengggipa dolgipin ma·ekanggipa ULFA bobil dolni dilgipa Anup Chetia, ma·mong aro Assam sorkari baksa tom·tomanina songgigrikaniko dakani gimin a·songni jakgitelaniko maniani ja·man New Delhi-o tom·e agan-golpogrikaniko dakangtaigen ine parakangaha.

Iani bidingo kobor ra·timgiparangna agananganio, tom·tomaniko nangnikenggipa ULFA bobil dol baksa songgigrikaniko dakachisa Assam a·doko meligrikgijanirangko namatna man·gen ine India sorkari ma·sichakaha aro ia songgigrikaniko re·baenggipa general election-na skangan matchotgen ine chinga ka·dongsoenga aro tom·tomanina sorkari baksa songgigrikani re·baenggipa 2024 bilsio matchotgen ine Chetia parakataha.

Sorkari baksa agangrikaniko dakenggipa dolgipin ma·ekanggipa ULFA bobil dol, ma·mong sorkari baksa batanggimin 2011 bilsionin agangrikaniko dakbagenchimoba, uamangni gisepo da·alona kingkingba melina man·srangkujaengachim ine nikatna gita man·gen.

Songgigrikaniko dakanio kamrang ru·utengani bidingo bobil dolni matnange aganangani gitade, a·songni Prime minister gitcham Pa Manmohan Singh-ni chasongon uamangni gisepo agangrikani bon·kamgipaona sokpilahaoba, Pa Narendra Modi sorkarini bil-sasonko jako ra·chakataonin songgigrikaniko dakani kamrango ka·sinskaaha.

Iakoba poraie nina man·gen: Solar Mission-ko CM a•bachengate on•anga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub