23.2 C
Tura
spot_img

INDIA alliance, 2024-o bil-sasonko jako ra·skagen ine AIUDF-ni skotong dilgipa agana

Must read

Guwahati, Sept 12: All India United Democratic Front (AIUDF)-ko skotong ong·e dilenggipa Pa Badruddin Ajmal, ma·mongo da·o sorkariko rikenggipa Bharatiya Janata Party (BJP)-ko re·baenggipa bilsio ga·akonatna gita dingtang dingtang dolrangni bakrime gital dolko bikotgipa INDIA alliance-na chu·gimik chakpaenganiko parakangenba, re·baenggipa eleksino ia dolni chegipa ong·gnina ka·dongsoe, Pa Narendra Modi iani ja·manchi Prime Minister ong·taijawaha ine Mongolbar salo aganangaha.

INDIA alliance-o bak ong·paenggipa AIDUF-ni skotong dilgipa aro Dhubri-ni MP Pa Badruddin Ajmal, Mongolbar salo Assam Legislative assembly-ni a·palo kobor ra·timgiparangna agananganio, re·baenggipa 2024 bilsini eleksinni ja·man INDIA alliance sorkariko rikgen aro sasonni bilko jakkepaoniko BJP dolko ga·akonatskagnok ine parakataha.

2024 bilsini Lok Sabha eleksino BJP dolko ga·akonatsrangna miksonge a·songni warachakgipa dolrang gimik nangrimenba INDIA alliance-ko songaha jeon bang·a a·joltangni political dolrang baksana chonchongipa dolrangba apsandake ia alliance-o bakrimtokaha.

Unomiting, a·jatango chagrongenggipa dingtang dingtang neng·nikani bidingo Pa Ajmal, Assam-ni skotong minister Pa Himanta Biswa Sarma-ko Mongolbar salo grongangenba, Dhubri-o donggipa B.N College-ko University-ona ra·doatchina gita skotong minister-ko mol·molangaha.

Iakoba poraie nina man·gen: Pomlum PHC-ni on·gipa samrango gojal man·chapa ine matnanga

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

spot_img

More articles

spot_img
-->

Latest article