Delhi, Nov 13: Prime Minister Pa. Narendra Modi, India a·song an·tango pilakni gitan chu·sokgipa ong·na mikkangchi nishanko done daarienga ine aganaha. Ian a·songo songdonggiparangoni sak 130 crore manderangni ku·cholsan ong·e miksonganirang baksa re·mikkanganio ong·enga.

New Delhi ni Jawaharlal Nehru University a·damo Swami Vivekananda ni mangkrongko video conference gita oprake on·anio Pa. Modi “a·songni chadamberangan India a·songni daka rikani, niam reti aro bewal rangko a·gilsak gimikna niksengatna bil gnanggiparang ong·a” ine aganaha.

Aatmanirbhar Bharat ba India ko chu·soksranggipa ong·atnade bon·kambatgipa Nishan-ko donani dongja indiba pilak kamrangkon nangdaproroa aro bon·changani dongja. Jensalo a·song an·tangari chanchi bewalna, dake rike nina, jotton ka·e nina aro tangka paisa ni gita chu·sokaniona sokgen unosa je a·songkoba chu·sokgipa a·song ine aganna man·gen ineba aganaha.

India a·songni democracy ko nosto ka·enggipara a·songni namgnina dakna nangchenggipako dongale an·tangtangni chanchianiko chu·sokatchenganion ong·enga, an·chingni pilak chanchianirangan a·songko maidake namdapatna man·gen uasa ong·na nanga ineba Pa. Modi aganaha.