Shillong, Oct 17: India aro Bangladesh a·song damgnini chang 11-gipa ‘Sampriti-XI’ Military Exercise-ko re·anggipa October 3 tarikoni a·bachenge October 16 tarikona, Meghalaya a·dokni Umroi Joint Training Node-o ong·atangaha.
UN Mandate (UNPKO)-ni Chapter VII-ni ning·o a·song damgnini sipairang apsan kamrangko ka·na man·na gita aro Sub Conventional-ni kamrango saksa sakgipinko ma·sigrikna man·na gita miksonganio ia chang 11-gipa ‘Sampriti-XI’ Military Exercise-ko ong·atangaha aro ia Exercise-ko ong·atanio Bangladesh a·songni ning·o donggipa Infantry Brigade-ni sak 170 sipairang aro India a·songni ning·o donggipa 66 Mountain Brigade-oni 15 Battalion Rajput Regiment-ni sak 170 sipairang bakko ra·angaha.
Ia Military Exercise-ko bakgni dake, chong·motan skanggipa bako Command Post Exercise aro gnigipa bako Battle Inoculation-ko man·chape Validation Exercise aro Field Training Exercise-ko ong·atangaha.
Ia Military Exercise-ko bilsiantian India aro Bangladesh a·songni sipairang nangrime ong·atenga aro ia Exercise-ko bilsiprakan a·song damgnini dingtang dingtang biaprango ong·atenga.
Skanggipa Sampriti Military Exercise-ko a·song damgni nangrimenba, 2009 bilsio India a·songni Jorhat-o ong·atchengaha aro uandaken bilsiantian ia exercise-ko ong·atenba da·o ia bilsio chang 11-gipa gapaha.
Ia bilsini Military Exercise-ko October-ni 16 tariko matchotataha aro ia exercise-ko matchotatanio, dolgnini gisepo Volleyball kal·susaani aro gipin program-rangkoba ong·atangaha.
Iakoba poraie nina man·gen: National Science Seminar-o Meghalayani chatri 2gipa ong·a: school syllabuso donggijakon u·ie ra·na chol ong·a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
